Anura Kumara Dissanayake தலைமையிலான அரசு, 1979 ஆம் ஆண்டின் அத்தியாவசிய பொதுச் சேவைகள் சட்டத்தின் கீழ் பல பொதுச் சேவைகளை அத்தியாவசிய சேவைகளாக அறிவித்துள்ளது.
இந்த அறிவிப்பு நேற்று (28) வெளியிடப்பட்ட அதிவிசேட வர்த்தமானி அறிவித்தலின் மூலம் அமலுக்கு வந்துள்ளது.
நாட்டில் நிலவும் பேரிடர் பிந்தைய சூழ்நிலையை கருத்தில் கொண்டு, மக்களின் இயல்பு வாழ்க்கையை தொடர்ந்து பேணும் நோக்கில் இந்த நடவடிக்கை எடுக்கப்பட்டுள்ளதாக வர்த்தமானியில் குறிப்பிடப்பட்டுள்ளது.
அதன்படி, அரச கூட்டுத்தாபனங்கள், அரச திணைக்களங்கள், உள்ளூராட்சி மன்றங்கள், கூட்டுறவு சங்கங்கள் மற்றும் அவற்றின் கிளைகள் வழங்கும் பல சேவைகள் அத்தியாவசிய சேவைகளாக அறிவிக்கப்பட்டுள்ளன.
அவற்றில்:
▪️ மின்சார விநியோகம்
▪️ எரிபொருள் மற்றும் எரிவாயு விநியோகம்
▪️ வைத்தியசாலை மற்றும் சுகாதார சேவைகள்
▪️ பொது போக்குவரத்து
▪️ வீதி மற்றும் ரயில்வே சேவைகள்
▪️ விமான நிலைய மற்றும் துறைமுக சேவைகள்
▪️ நீர் வழங்கல் மற்றும் வடிகால் சேவைகள்
▪️ உணவு மற்றும் அத்தியாவசிய பொருள் விநியோகம்
▪️ அவசர அம்புலன்ஸ் சேவைகள்
▪️ தொலைத்தொடர்பு மற்றும் ஊடக சேவைகள்
என பல துறைகள் உள்ளடக்கப்பட்டுள்ளன.
மேலும்:
▪️ மாவட்ட மற்றும் பிரதேச செயலக சேவைகள்
▪️ கிராம உத்தியோகத்தர்கள்
▪️ சமுர்த்தி அதிகாரிகள்
▪️ விவசாய ஆராய்ச்சி உதவியாளர்கள்
▪️ கள மட்ட அரச அதிகாரிகள்
ஆகியோரின் சேவைகளும் அத்தியாவசிய சேவைகளாக அறிவிக்கப்பட்டுள்ளன.
இதற்குப் பிறகும் அரச வங்கி மற்றும் காப்புறுதி சேவைகள், கழிவகற்றல் மற்றும் சுகாதார சேவைகள், பாசன சேவைகள், நில அபிவிருத்தி சேவைகள் மற்றும் விவசாய காப்புறுதி சேவைகளும் இந்த அறிவிப்பில் சேர்க்கப்பட்டுள்ளன.
