Elon Musk நிறுவனமான SpaceX, தனது புதிய தலைமுறை Starship விண்கலத்தை வெள்ளிக்கிழமை வெற்றிகரமாக சோதனைப் பறப்பில் ஏவியது.
“V3” என அழைக்கப்படும் மூன்றாம் தலைமுறை Starship, அமெரிக்காவின் டெக்சாஸ் மாநிலத்தின் தெற்கு முனையிலிருந்து உள்ளூர் நேரப்படி மாலை 5.30 மணிக்கு விண்ணில் ஏவப்பட்டது.
சுமார் ஒரு மணி நேரம் நீடித்த இந்த சோதனைப் பயணத்தின் முடிவில், பிரம்மாண்ட ராக்கெட் இந்தியப் பெருங்கடலை அடைந்த பின்னர் தரையிறங்கும் தருணத்தில் தீப்பற்றியதாக தெரிவிக்கப்பட்டுள்ளது.
இருப்பினும், சோதனைப் பயணம் பெரும்பாலும் வெற்றிகரமாக அமைந்ததாகவும், சிறிய தொழில்நுட்ப சிக்கல்கள் மட்டுமே ஏற்பட்டதாகவும் தகவல்கள் தெரிவிக்கின்றன.
“நீங்கள் மனிதகுலத்திற்காக ஒரு இலக்கை அடித்துள்ளீர்கள்,” என்று Elon Musk தனது X தளத்தில் பதிவிட்டுள்ளார்.
முழுமையாக இணைக்கப்பட்ட நிலையில் 407 அடி (124 மீட்டர்) உயரமுடைய இந்த புதிய Starship, முந்தைய வடிவமைப்புகளை விட மிகப்பெரியதாகும்.
இது Starship ராக்கெட்டின் 12வது சோதனைப் பறப்பாகும். எதிர்காலத்தில் NASA சந்திரன் மற்றும் செவ்வாய் கிரக பயணங்களுக்கு இந்த ராக்கெட்டை பயன்படுத்த திட்டமிட்டுள்ளது.
சோதனைக்கு முன் பேசிய Jared Isaacman, “எதிர்காலத்தில் பூமி சுற்றுப்பாதையில் SpaceX உடன் இணைந்து செயல்பட நாங்கள் எதிர்பார்க்கிறோம்” என்று தெரிவித்தார்.
NASA தற்போது Artemis Program மூலம் 50 ஆண்டுகளுக்கு பிறகு மீண்டும் மனிதர்களை சந்திரனில் தரையிறக்கத் திட்டமிட்டுள்ளது.
அதேவேளை, China 2030க்குள் தனது முதல் மனிதர் கொண்ட சந்திரப் பயணத்தை மேற்கொள்ள இலக்குவைத்துள்ளது.
இந்த திட்டங்களுக்காக, NASA, SpaceX மற்றும் Blue Origin நிறுவனங்களுக்கு பல பில்லியன் டொலர் நிதியுதவிகளை வழங்கி வருகிறது.
