வரவிருக்கும் வெசாக் பண்டிகையை முன்னிட்டு நாடு முழுவதும் நடைபெறும் அனைத்து தானசாலைகளும் சம்பந்தப்பட்ட பகுதிகளின் சுகாதார வைத்திய அதிகாரி (MOH) அலுவலகத்தில் பதிவு செய்ய வேண்டும் என சுகாதார சேவைகள் பணிப்பாளர் நிபுணர் டாக்டர் அசேல குணவர்தன அறிவுறுத்தியுள்ளார்.
பொதுமக்களுக்கு பாதுகாப்பான, சுத்தமான மற்றும் தரமான உணவு வழங்கப்படுவதை உறுதி செய்வதே இந்த நடவடிக்கையின் நோக்கம் என தெரிவிக்கப்பட்டுள்ளது.
தானசாலை ஏற்பாட்டாளர்கள் தங்களுடைய பகுதி சுகாதார வைத்திய அதிகாரி அல்லது பொது சுகாதார பரிசோதகரை (PHI) தொடர்புகொண்டு தேவையான சுகாதார ஆலோசனைகளை பெற்று பதிவு செயல்முறையை நிறைவேற்ற வேண்டும் எனவும் அறிவுறுத்தப்பட்டுள்ளது.
பெரிய அளவிலான சமூக நிகழ்வுகளில் உணவு பாதுகாப்பு தரநிலைகளை உறுதி செய்வதற்கான விரிவான நடவடிக்கையின் ஒரு பகுதியாகவே இந்த உத்தரவு அமல்படுத்தப்பட்டுள்ளதாக சுகாதார அதிகாரிகள் தெரிவித்துள்ளனர்.
