Sri Lanka Cricket (SLC), சமூக ஊடகங்களில் ஏற்பட்ட எதிர்ப்புகள் மற்றும் கிரிக்கெட் சமூகத்தின் விமர்சனங்களைத் தொடர்ந்து, Lanka Premier League (LPL) சீசன் 6 வீரர் பதிவு மற்றும் Draft வழிகாட்டியில் இடம்பெற்றிருந்த சமூக ஊடக Followers தொடர்பான சர்ச்சைக்குரிய விதியை நீக்கியுள்ளது.
மே 9 அன்று வெளியிடப்பட்ட LPL Season 6 Player Registration and Draft Guide Version 1.5-ல், Icon மற்றும் Star பிரிவு வீரர்கள் 250,000-க்கும் அதிகமான சமூக ஊடக Followers வைத்திருக்க வேண்டும் என்ற நிபந்தனை இடம்பெறவில்லை.
இதற்கு முன் மே 8 அன்று வெளியிடப்பட்டிருந்த Version 1.4 ஆவணத்தில், Icon மற்றும் Star பிரிவு வீரர்கள் “பெரிய ரசிகர் பட்டாளமும் வணிக மதிப்பும்” கொண்டிருக்க வேண்டும் என்றும், 250K-க்கும் அதிகமான Followers அவசியம் என்றும் குறிப்பிடப்பட்டிருந்தது. மேலும் Gold பிரிவு வீரர்களுக்கு 150K Followers நிபந்தனையும் விதிக்கப்பட்டிருந்தது.
புதிய திருத்தப்பட்ட ஆவணத்தில், அனைத்து வீரர் பிரிவுகளுக்கும் சமூக ஊடக Followers குறித்த குறைந்தபட்ச நிபந்தனைகள் முழுமையாக நீக்கப்பட்டுள்ளன. எனினும், T20 சர்வதேச போட்டி அனுபவம், Franchise அனுபவம் மற்றும் சமீபத்திய போட்டி செயல்பாடு போன்ற கிரிக்கெட் தகுதிகள் தொடர்ந்தும் அமலில் உள்ளன.
இந்த விதி குறித்து பலரும் கேள்வி எழுப்பியிருந்தனர். முன்னதாக தேசிய வீரர்கள் சமூக ஊடகங்களில் அதிக நேரம் செலவிடாமல் கிரிக்கெட்டில் கவனம் செலுத்த வேண்டும் என அறிவுறுத்திய Sri Lanka Cricket, தற்போது ஆன்லைன் புகழ் மற்றும் Followers அடிப்படையில் வீரர்களை மதிப்பிடுவது முரண்பாடாக இருப்பதாக விமர்சனங்கள் முன்வைக்கப்பட்டன.
இந்த விவகாரம் சமூக ஊடகங்களில் பரவலான விவாதத்தை ஏற்படுத்தியதுடன், இலங்கையின் முக்கிய T20 தொடரில் வீரர்களின் திறமையே முக்கியமாக இருக்க வேண்டும்; சமூக ஊடக செல்வாக்கு அல்ல என விமர்சகர்கள் கருத்து வெளியிட்டனர்.
Followers நிபந்தனை நீக்கப்பட்டிருந்தாலும், போட்டி காலத்தில் சமூக ஊடக பதிவுகள், ரசிகர் ஈடுபாட்டு நிகழ்வுகள் மற்றும் விளம்பர நடவடிக்கைகள் உள்ளிட்ட வீரர்களின் Promotional பொறுப்புகள் தொடர்ந்தும் முக்கியத்துவம் பெறுகின்றன என புதிய விதிமுறைகளில் குறிப்பிடப்பட்டுள்ளது.
