2026 ஆம் ஆண்டின் ஆரம்பம் முதல் மார்ச் 27 வரை, அமெரிக்க டாலருக்கு எதிராக இலங்கை ரூபாய் மதிப்பு 1.4% வீழ்ச்சியடைந்துள்ளதாக சமீபத்திய பரிமாற்ற விகிதத் தகவல்கள் தெரிவிக்கின்றன.
மார்ச் 27 ஆம் திகதியன்று அமெரிக்க டாலரின் சராசரி விகிதம் ரூ. 314.42 ஆக பதிவாகியுள்ளது. இது ஒரு வாரத்திற்கு முன்பு ரூ. 311.59 ஆகவும், கடந்த ஆண்டு இதே காலத்தில் ரூ. 296.37 ஆகவும் இருந்ததை ஒப்பிடுகையில், உள்ளூர் நாணயத்தின் மீது தொடர்ந்த அழுத்தம் நிலவுவதை காட்டுகிறது.
மேலும், இலங்கை ரூபாய் முக்கிய வெளிநாட்டு நாணயங்களுக்கெதிராகவும் பலவீனமடைந்துள்ளது. அதன் படி,
- பிரிட்டிஷ் பவுண்ட் – ரூ. 419.46
- யூரோ – ரூ. 362.88
- ஜப்பான் யென் – ரூ. 1.97
என சராசரி விகிதங்கள் பதிவாகியுள்ளன.
நாணய மாற்று விகிதங்களில் ஏற்பட்ட இந்த மாற்றம், நாட்டின் பொருளாதார சூழ்நிலையை பிரதிபலிப்பதுடன், இறக்குமதி செலவுகள் மற்றும் வாழ்வாதாரச் செலவுகளிலும் தாக்கத்தை ஏற்படுத்தக்கூடும் என பொருளாதார வட்டாரங்கள் குறிப்பிடுகின்றன.
