K. D. Lal Kantha தெரிவித்ததாவது, யால பருவத்திற்குத் தேவையான உரத்திற்கு எந்த தட்டுப்பாடும் இல்லை என்றும், போதுமான அளவு உரம் கிடைக்குமெனவும் உறுதியளித்துள்ளார்.
தற்போது நாடு முழுவதும் உள்ள Govi Jana Seva நிலையங்கள் மூலம் உர விநியோகம் மேற்கொள்ளப்பட்டு வருவதாக அவர் தெரிவித்தார்.
அமைச்சின் கோரிக்கையின் பேரில் கடந்த சில நாட்களாக தனியார் துறையின் ஊடான உர விநியோகம் தற்காலிகமாக நிறுத்தப்பட்டிருந்ததாகவும், தற்போது மீண்டும் வழமையான முறையில் விநியோகம் ஆரம்பிக்கப்படவுள்ளதாகவும் அமைச்சர் லால் காந்த தெரிவித்தார்.
“யால பருவத்தில் காய்கறி, தென்னை, தேயிலை அல்லது நெல் உள்ளிட்ட எந்தப் பயிருக்கும் உர பிரச்சினை இருக்காது” என அவர் குறிப்பிட்டார்.
எனினும், விநியோக நடவடிக்கைகளில் சில சிக்கல்கள் இருப்பதை அமைச்சர் ஒப்புக்கொண்டதுடன், அவற்றை தீர்க்க அமைச்சு தலையீடு செய்து வருவதாகவும் தெரிவித்தார்.
மேலும், நாட்டில் உரத் தட்டுப்பாடு இருப்பதாகவும், அதிக விலையில் உரம் கொள்வனவு செய்யப்பட்டதாகவும் தவறான தகவல்களை பரப்ப அரசியல் ரீதியான முயற்சிகள் இடம்பெறுகின்றன என அவர் குற்றஞ்சாட்டினார்.
இத்தகைய தகவல்களை பரப்புவோருக்கு எதிராக சட்ட நடவடிக்கை எடுக்கப்படும் என்றும் அமைச்சர் எச்சரித்துள்ளார்.
