சில வங்கிகளில் டொலர் விற்பனை விலை ரூ. 325 ஆக உயர்வு
இலங்கையில் இன்று (08) அமெரிக்க டொலருக்கு எதிராக இலங்கை ரூபாவின் பெறுமதி மேலும் சரிவடைந்துள்ளதாக வணிக வங்கிகளின் மாற்று விகிதங்கள் தெரிவிக்கின்றன.
இதன்படி, சில வங்கிகளில் அமெரிக்க டொலரின் விற்பனை விலை ரூ. 325 வரை உயர்ந்துள்ளது.
செய்லான் வங்கியின் தகவலின்படி, அமெரிக்க டொலரின் கொள்வனவு விலை ரூ. 317.25 ஆகவும், விற்பனை விலை ரூ. 325 ஆகவும் பதிவாகியுள்ளது.
NDB வங்கியில் டொலரின் கொள்வனவு விலை ரூ. 318 ஆகவும், விற்பனை விலை ரூ. 324.50 ஆகவும் காணப்படுகிறது.
மக்கள் வங்கியின் மாற்று விகிதங்களின்படி, அமெரிக்க டொலரின் கொள்வனவு விலை ரூ. 318.10 ஆகவும், விற்பனை விலை ரூ. 325.11 ஆகவும் உயர்ந்துள்ளது.
அதேவேளை, கொமர்ஷல் வங்கியில் டொலரின் கொள்வனவு விலை ரூ. 316.53 ஆகவும், விற்பனை விலை ரூ. 325 ஆகவும் பதிவாகியுள்ளது.
சம்பத் வங்கியின் தகவலின்படி, அமெரிக்க டொலரின் கொள்வனவு விலை ரூ. 318.25 ஆகவும், விற்பனை விலை ரூ. 324.75 ஆகவும் காணப்படுகிறது.
