Sri Lanka, அமெரிக்காவின் National Oceanic and Atmospheric Administration (NOAA) விதித்திருந்த கடுமையான நிபந்தனைகளை பூர்த்தி செய்ததையடுத்து, Blue Swimming Crab எனப்படும் நீல நீந்தும் நண்டை அமெரிக்காவுக்கு ஏற்றுமதி செய்வதற்கான அனுமதி வழங்கப்பட்டுள்ளது.
United States Marine Mammal Protection Act (MMPA) சட்டத்தின் கீழ் விதிக்கப்பட்ட நிபந்தனைகளுக்கமைய, இலங்கையின் நண்டு பிடிப்பு முறைகள் மற்றும் அதனுடன் தொடர்புடைய ஒழுங்குமுறைகள் அமெரிக்க தரநிலைகளுக்கு இணையானவை என NOAA உறுதிப்படுத்தியுள்ளது.
2025 நவம்பரில் அமெரிக்க நீதிமன்ற தீர்ப்பொன்றினால் இந்த ஏற்றுமதி தற்காலிகமாக பாதிக்கப்பட்டிருந்தது.
ஆனால், இலங்கை மீன்வள திணைக்களம், National Aquatic Resources Research and Development Agency (NARA) மற்றும் பிற நிறுவனங்கள் சமர்ப்பித்த அறிவியல் தரவுகள் மற்றும் ஆதாரங்களை ஆய்வு செய்த பின்னர் NOAA தனது தீர்மானத்தை மறுபரிசீலனை செய்து அனுமதி வழங்கியுள்ளது.
இதன் முக்கிய அம்சங்கள்:
🔹 அமெரிக்காவுக்கு மீன்வள ஏற்றுமதி செய்ய அவசியமான “Comparability Finding” சான்றிதழ் இலங்கைக்கு வழங்கப்பட்டுள்ளது.
🔹 இந்த அனுமதி 2029 டிசம்பர் 31 வரை செல்லுபடியாகும்.
🔹 டால்பின்கள், ஆமைகள் உள்ளிட்ட கடல் உயிரினங்களுக்கு சேதம் ஏற்படாத சுற்றுச்சூழல் நட்பு மீன்பிடி முறைகளை இலங்கை பின்பற்றுவதாக சர்வதேச அங்கீகாரம் கிடைத்துள்ளது.
